Адным з асноўных накірункаў сваёй дзейнасці Галынкаўскі сельвыканкам лічыць навядзенне парадку на зямлі. У вырашэнні гэтага пытання існуе цесная сувязь і падтрымка з боку мясцовага сельгаскааператыва. Невыпадкова па выніках абласнога агляду-конкурсу па добраўпарадкаванні аграгарадок Галынка прызнаны лепшым у сваёй групе населеных пунктаў Гродзенскай вобласці.
Безумоўна, само па сабе да-дзенае пытанне не вырашаецца. У перыяд аб’яўленага ў красавіку месячніка па добраўпарадкаванні была актывізавана работа па адраджэнні руху за высокую культуру пражывання. Аб чысціні і парадку пастаянна гаворыцца на агульных сходах і сустрэчах з вяскоўцамі. Сведчаннем значнасці пытання з’яўляецца яго разгляд на чарговым пасяджэнні сельвыканкама.

Падведзены вынікі раённага агляду-конкурсу на лепшую арганізацыю аховы працы і прафілактыкі вытворчага траўматызму сярод арганізацый прамысловасці, транспарту, будаўнічых арганізацый, жыллёва-камунальнай гаспадаркі, гандлю, грамадскага харчавання, устаноў адукацыі, культуры, аховы здароўя, сельскагаспадарчых арганізацый па выніках 2011 года.

У Гродне адбылася ўрачыстая цырымонія ўручэння ўзнагарод пераможцам і лаўрэатам абласнога конкурсу “Лепшы прадпрымальнік Гродзенскай вобласці 2011 года”, які праводзіўся ў мэтах папулярызацыі і павышэння дзелавой актыўнасці суб’ектаў прадпрымальніцтва.