На пасяджэнні прэзідыума раённай арганізацыі Беларускага прафсаюза работнікаў аграпрамысловага комплексу былі падведзены вынікі работы пярвічных прафсаюзных арганізацый сельскагаспадарчых прадпрыемстваў раёна па ўдзеле ў абласным аглядзе-конкурсе на лепшую работу па стварэнні спрыяльных умоў працы і вытворчага быту на малочнатаварных фермах і жывёлагадоўчых комплексах.   

 

 

Разгледзеўшы прадастаўленыя матэрыялы, абкам прафсаюза работнікаў АПК прызнаў пераможцам конкурсу ў нашым раёне калектыў малочнатаварнага комплексу “Лебядзі” ПСУП “Князева” і ўзнагародзіў яго адпаведным дыпломам і грашовай прэміяй у памеры 700 тыс. рублёў. У добраўпарадкаваныя памяшканні комплексу дырэкцыя сельгаспрадпрыемства набыла мікрахвалевую печ, пральную машыну, новую мэблю і шмат іншых неабходных працаўнікам рэчаў.
Старшыня райкама прафсаюза работнікаў АПК Мікалай Януль, уручаючы ўзнагароду начальніку комплексу Паўлу Плюшчэвічу (на здымку), павіншаваў калектыў з перамогай, пажадаў жывёлаводам плённай працы і далейшых поспехаў у дасягненні вытворчых паказчыкаў. Павел Алегавіч паведаміў, што разам з калектывам вырашаць, што неабходна набыць яшчэ, каб умовы працы работнікаў комплексу сталі больш спрыяльнымі.

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.