У складаных метэаралагічных умовах, якія склаліся з-за пастаяннага снегападу, кругласутачны бесперапынны і надзейны праезд на дарогах міжнароднага і рэспубліканскага прызначэння забяспечвае калектыў лінейна-дарожнай дыстанцыі 545, 546 Слонімскага ДЭУ-54. Першачарговая задача ў дадзены перыяд – ачыстка дарог ад снегу, пасыпка іх пясчана-салянай сумессю. 

 

 

 

Работнікі ДЭУ-54, як і ўсе дарожныя службы рэспублікі, працуюць ва ўзмоцненым рэжыме кругласутачна і без выхадных.
–Якія б перашкоды ні стварала стыхія, – гаворыць начальнік дыстанцыі Аляксей Лятун,–замацаваныя за намі ўчасткі магістраляў рэспубліканскага значэння, працягласць якіх складае 80 кіламетраў, павінны быць бяспечнымі для руху аўтатранспарту. Да зімы падрыхтаваліся грунтоўна: маем 2200 тон пясчана-салянай сумесі, тэхніка ў поўнай баявой гатоўнасці – на ачыстцы дарог яна задзейнічана поўнасцю.
З трох рэспубліканскіх дарог, якія праходзяць праз Зэльвеншчыну, самы інтэнсіўны рух па дарозе Р99 Баранавічы – Ваўкавыск – Пагранічны – Гродна. Гэтая дарога з’яўляецца транзітнай артэрыяй, па якой грузы і пасажыры з суседняй Польшчы і краін Заходняй Еўропы перавозяцца далей у Расію, таму ўдзяляем ёй асаблівую ўвагу. Кругласутачна на дарогах працуе звяно, у склад якога ўваходзяць два аўтамабілі МАЗ-5151 са спецыяльным абсталяваннем для расчысткі снегу і пасыпкі пясчана-салянай сумессю і адзін пагрузчык. Пры неабходнасці ў работу ўключаецца і іншая тэхніка.
На зімовы перыяд утрымання дарог за кожным аўтамабілем замацаваны па два вадзіцелі, якія змяняюць адзін аднаго праз 12 гадзін работы. За змену яны ачышчаюць дарогі ад снегу і ўносяць пясчана-саляныя сумесі па некалькі разоў. Асабліва складана на ўчастках, дзе адсутнічаюць ахоўныя лесапасадкі. Устаноўленыя спецыяльныя шчыты затрымліваюць снег, але не поўнасцю. Таму прыходзіцца напружана змагацца за кожны кіламетр дарожнага палатна. 
У вячэрні і начны час усімі работамі звяна кіруе дзяжурны дыспетчар, які назначаецца з ліку работнікаў дыстанцыі.

 

 

Пры ўзнікненні экстрэмальнай сітуацыі ён падымае “па трывозе” вадзіцеляў, механізатараў і спецыялістаў. З поўнай адказнасцю да даручанай справы падыходзяць вадзіцелі Валерый Грынцэвіч, Уладзімір Гураль, Мікалай Карпейчанка, Аляксандр Тарасюк, Аляксандр Цярэшчанка і Іосіф Янукевіч. У гэтых складаных умовах усе работы яны выконваюць якасна і своечасова. На ачыстцы дарог ад снегу старанна працуюць механізатары Сяргей Пабудзей і Валерый Каляўчук, аўтагрэйдарыст Аляксандр Мазоль, а на пагрузцы пясчанай сумесі – Сяргей Масальскі, Іван Маўчун і Станіслаў Петруць.

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.