Шчодрым на такі доўгачаканы снег стаў гэты тыдзень. У сувязі са складанымі ўмовамі надвор’я камунальная і дарожная службы працуюць ва ўзмоцненым рэжыме.

 

У Зэльве расчысткай вуліц, сквераў, тратуараў, прыдамавых тэрыторый ад снегу займаюцца работнікі ўчастка добраўпарадкавання, санітарнай ачысткі РУП ЖКГ.

–На ачыстку вуліц пасёлка ад снегу,– адзначае начальнік участка Андрэй Цюхай,– выходзяць усе дворнікі, накіроўваюцца тры трактары і адзін аўтамабіль МАЗ. Работы пачынаюцца з шасці гадзін раніцы. Вядзём пасыпку вуліц і тратуараў пясчанымі сумесямі. Снег з пасёлка вывозіцца на спецыяльна адведзеныя для гэтага пляцоўкі.  
Нядаўна РУП ЖКГ набыло малагабарытны трактар “Беларус-320” (на здымку) са спецыяльнымі пры-стасаваннямі – цяпер уборка снегу будзе ісці хутчэй.

У дарожнікаў – кругласутачны кантроль

Зіма – экзамен для дарожных службаў. Таму калектыў лінейна-дарожнай дыстанцыі 545, 546 Слонімскага ДЭУ-54, які абслугоўвае дарогі рэспубліканскага і абласнога прызначэння, падыходзіць да сваёй работы вельмі адказна. Своечасова нарыхтоўвалі пясчана-саляную сумесь, уздоўж дарог устанавілі снегазатрымальныя шчыты, тэхніка ў поўнай гатоўнасці. 
Для забеспячэння бесперапыннага і надзейнага руху па аўтамагістралях рэспубліканскага прызначэння,– гаворыць начальнік дыстанцыі Аляксей Лятун,– мы працуем кругласутачна і без выхадных. Уся інфармацыя аб стане дарог Гродзен-шчыны (тэмпературы паветра і дарожнага палатна, умовах на-двор’я) з аўтаматычных дарожна-вымяральных станцый, блі-жэйшая з іх знаходзіцца ў г.Ваўкавыск, паступае ў дыспетчарскую службу. У выпадку неабходнасці на ачыстку дарог ад снегу, іх пасыпку пясчана-салянай сумессю дыспетчар аператыўна адпраўляе неабходную колькасць адзінак тэхнікі. У час моцных снегападаў тэхніка задзейнічана поўнасцю.
У напружаным рытме ў гэтыя зімовыя дні працуюць і дарожнікі ДРБУ-118, якія займаюцца абслугоўваннем дарог мясцовага прызначэння.
–Найперш ачышчаем дарогі, па якіх прахо-дзяць аўтобусныя маршруты, а затым дарогі з менш інтэнсіўным рухам, – расказвае кіраўнік ДРБУ-118 Андрэй Казлоўскі. – Наладжана кругласутачнае дзяжурства тэхнікі, адказнага інжынернага работніка. У гэтыя дні на ўборцы снегу і пасыпцы дарог пясчана-салянай сумессю задзейнічаны 4 трактары, 4 аўтамабілі МАЗ, 2 аўтагрэйдары і 2 пагрузчыкі.
 Сіноптыкі прагназуюць узмацненне снегападу, таму наперадзе ў камунальнай і дарожнай службаў чарговае выпрабаванне надвор’ем.

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.