У пятніцу, 6 студзеня, напярэдадні Раства Хрыстова супрацоўнікі рэдакцыі прымалі гасцей – удзельнікаў конкурсу “Пісьмо Дзеду Марозу”, які праводзіўся сумесна з раённым аддзяленнем Беларускага фонду міру. 

 

 

Рэдакцыйны Дзед Мароз паклапаціўся, каб дзеці ў чарговы раз сустрэліся з казкай. Разам са сваёй унучкай Снягурачкай ён запрасіў хлопчыкаў і дзяўчынак у кінатэатр “Мір” на святочнае прадстаўленне. Сівабароды Дзядуля павіншаваў усіх прысутных з Новым годам і Калядамі, падзякаваў дзецям за пасланні, якія сёлета вызначаліся не толькі зместам, але і мастацкім афармленнем.  
Трэба было бачыць, з якім азартам і весялосцю маленькія сябры сустракалі добрага чараўніка. Усе яны ахвотна расказвалі вершы, спявалі песні, а таксама прымалі ўдзел у забавах, падрыхтаваных для іх Снягуркай. За гэта дзеці атрымалі ад Дзеда Мароза салодкія пачастункі. З чароўнага мяшка шчодры Дзядуля дастаў падарункі і для пераможцаў конкурсу.
Пасля прадстаўлення ўсе прысутныя былі запрошаны на прагляд дзіцячага кінафільма.
Шчыра ўдзячны бацькам, класным кіраўнікам 4 “А” і 4 “Б” класаў СШ №2 г.п.Зэльва А.У. Ганчарэнка і Н.Я.Чыжэўскай за дапамогу дзецям у афармленні конкурсных работ.
Да новых сустрэч у рэдакцыі, нашы маленькія сябры! Спадзяёмся, што на працягу года вы будзеце актыўнымі ўдзельнікамі ўсіх праектаў, якія аб’яўляе раённая газета.

“ПРАЦАўнікі”.

 

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.