На базе СШ №2 прайшоў раённы тур рэспубліканскага конкурсу-алімпіяды “Школа бяспекі-2012”. У ім удзельнічалі вучні трох узроставых груп: малодшая (4–5-я класы), сярэдняя (5–7-я класы), старэйшая (8–9-я класы) – усяго 60 чалавек. Арганізатарамі конкурсу выступілі аддзелы па надзвычайных сітуацыях і адукацыі.

 

 

Каб годна праявіць сябе ў сферы бяспекі жыццядзейнасці і атрымаць прызы, школьнікам неабходна было сур’ёзна пазмагацца.
Ацэньвала выступленне ўдзельнікаў тура журы ў складзе супрацоўнікаў РАНС– намесніка начальніка па ідэалагічнай рабоце і кадравым забеспячэнні Сяргея Грабуна, інспектара групы прапаганды і навучання Яўгена Ільчанкі, інспектара Дзяржаўнай інспекцыі пажарнага нагляду Паўла Нядзвецкага і прадстаўніка цэнтральнай раённай бальніцы Станіславы Урбановіч.
У конкурсе “Асновы бяспечнай жыццядзейнасці” яго ўдзельнікам былі прапанаваны тэсты, якія ўтрымлівалі пытанні па пажарнай бяспецы, правілах паводзін у экстрэмальных сітуацыях. Конкурс адначасова праходзіў у трох групах. Правільна адказаўшы на пытанні білета, канкурсанты, якія набралі найбольшую колькасць балаў, атрымлівалі права выступаць далей.
У конкурсе “Аказанне першай медыцынскай дапамогі” ўдзельнікі не толькі адказвалі на тэарэтычныя пытанні, але і паказвалі практычныя навыкі. І зноў больш балаў набраў той, хто меў добрую падрыхтоўку.
Бліскуча выступілі ў гэтых двух конкурсах і занялі ў сваіх узроставых групах першыя месцы Вераніка Валюк і Яраслаў Лапіч з Князеўскай гімназіі, Вераніка Маркач з гімназіі №1. Другія месцы занялі Ілья Савосік (СШ №2), Вольга Кароза і Дар’я Юшчык (гімназія №1). Трэцяе месца занялі Дар’я Крукоўская з Цяглевіцкага дз/с-СШ, Дар’я Бусловіч з Князеўскай гімназіі, Наталля Мартынчык з Кара-лінскай СШ.
З выдатным выступленнем пераможцаў і прызёраў павіншаваў і ўручыў граматы і каштоўныя падарункі намеснік начальніка РАНС Сяргей Грабун. Шэсць канкурсантаў, якія занялі першыя і другія месцы, атрымалі права выступаць на абласным этапе рэспубліканскага конкурсу “Школа бяспекі-2012”. 

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.